मन्त्रिपरिषद्को बैठकले विभिन्न,ऐन नियमावली स्वीकृत गरेको छ । आज साँझ बसेको क्याविनेटले प्रत्यायन नियमावली २०८३,सैनिक सेवा छैटौँ संशोधन नियमावली २०८३, कार्यविभाजन नियमावली २०८३ अनुसार हुनेगरी राजपत्रांकित विशिष्ट श्रेणीका सचिवको दरबन्दी मिलान गर्ने र पदस्थापन गर्ने,नेपाल राष्ट्र बैंक ऐन २०५८ लाई संशोधन गर्न बनेको विधेयक संघीय संसदमा पेश गर्न स्वीकृति दिने निर्णय गरेको छ ।
यस्तै,नगरपालिका राजश्व अभिवृद्धि परियोजनाका लागि स्वीट्जरल्याण्ड सरकारबाट प्राप्त हुने ६ दशमलव ११६ मिलियन स्वीस अनुदान स्वीकार गर्ने र अरनिको राजमार्गको मर्मत सुधार गर्न चीन सरकारले प्रदान गर्ने ७९ दशमलव ३६ मिलियन आरएमबी अनुदान स्वीकार गर्ने निर्णय गरेको छ । यस्तै क्याविनेटले काठमाडौँ उपत्यका नदी किनारमा रहेका जोखिमयुक्त बस्ती हटाउँदा विस्थापित हुने व्यक्तिहरुको विवरण रुजु गरी प्रतिपरिवार पुनस्थापना खर्च बापत रु २५००० एकमुस्ट प्रदान गर्ने निर्णय गरेको छ ।
बिज्ञापन
जोखिमयुक्त बस्तीबाट हटाइएकाहरुलाई बैकल्पिक बसोबासको व्यवस्था आफैँ गर्न प्रोत्साहित गर्न ५ सदस्य भएको प्रतिपरिवार राहत रकम १५ हजार प्रतिमहिना र सो भन्दा बढी सदस्यका लागि प्रतिसदस्य थप रु २००० प्रतिमहिनाको दरले हाललाई ३ महिनाका लागि बसोबास व्यवस्थापन खर्च उपलब्ध गराउने निर्णय मन्त्रिपरिषद्को बैठकले गरेको छ ।
बिज्ञापन
